Japonııada taıfýn saldarynan 53 reıs ushpaı qaldy
ASTANA. QazAqparat - Japonııadaǵy 22 rettik nomerine ıe bolǵan «Saola» taıfýny 53 ishki reıstiń keıinge qaldyrylýy men elektr energııasy sónip qaldy, dep habarlaıdy BELTA.
Japonııanyń bas meteorologııalyq agenttiginiń málimetinshe, tsıklon ortalyǵyndaǵy qysym 975 gektopaskalǵa teń. Taıfýn ortalyǵyndaǵy jel jyldamdyǵy sekýndyna 30 metr, keı jerlerde sekýndyna 45-ke deıin jetken.
Daýyldy jel saldarynan eldiń ońtústik aımaqtaryndaǵy 18 myń turǵyn úı elektr jaryǵynsyz qalǵan.
Qolaısyz aýa raıyna baılanysty Kıýsıý men Okınavany eldiń basqa aımaqtarymen baılanystyratyn 53 ishki reıs keıinge qaldyryldy.
Mamandar tolqynnyń 8 metrge deıin kóterilýi múmkin ekenin eskertip, taıfýn júrýi múmkin aımaq turǵyndaryna saq bolýǵa shaqyrdy.
