Japonııada tanymal Hatıko ıtine arnalǵan taǵy bir eskertkish ornatylady
ASTANA. QazAqparat - Japonııa astanasynda álemge aınymas dostyq pen adaldyqtyń úlgisi retinde belgili bolǵan tanymal Hatıko ıtine arnalǵan taǵy bir eskertkish ornatylady.
Iesi Hıdesabýro Ýeno men atalǵan ıt beınesi kórsetilgen jańa monýment professor Ýeno sabaq bergen Tokıo ýnıversıtetiniń aýyl sharýashylyǵy fakýlteti aýlasynda qoıylady.
Jańa eskertkishte Hatıko men Ýenonyń kezdesken sáti beınelenbek. Osy kompozıtsııany qurastyrýshylardyń pikirinshe, osy sát Hatıko men ıesiniń arasyndaǵy naǵyz adaldyqty kórsetedi.
Osy oqıǵanyń jelisine toqtalatyn bolsaq, professor Ýeno qaza bolǵanyna qaramastan, kóptegen jyldar boıy Hatıko temir jol vokzalyna kúndelikti bir ýaqytta kelip, ıesin jumystan keıin kútýmen bolǵan.
Hatıko ataýynyń bastapqy bóligi japonsha «segiz» degen maǵynany bildirgendikten, eskertkish aldaǵy jyldyń 8 naýryzynda ashylyp, onda atalǵan ıttiń óliminen keıingi 80 jyldyǵy atalyp ótilmek, dep jazady Itar-Tass.
