Japonııada «Talım» daýylyna baılanysty 570 reıs ushpaı qaldy
ASTANA. QazAqparat -Japonııanyń ońtústik batysyndaǵy Kıýsıý aralyna jaqyndap kele jatqan qýatty «Talım» taıfýny saldarynan 573 reıs keıinge qaldyryldy. Mundaı málimetti NHK telearnasy taratty.
Japonııa metrologııalyq agenttikterdiń málimetinshe, qazirgi ýaqytta daýyl Kıýsıýdiń ońtústik jaǵalaýynan birneshe ondaǵan shaqyrym qashyqtyqta, saǵatyna shamamen 30 km jyldamdyqpen soltústik shyǵysqa qaraı jyljyp keledi.
Sınoptıkter taıfýn júrip jatqan aýdandaǵy jeldiń jyldamdyǵy saǵatyna 35 metrdi quraıdy, keı jerlerdi 50 metrge deıin jetýi múmkin ekendigin eskertip otyr.
Sondaı-aq, sınoptıkter aldaǵy kúnderi nóserli jaýyn jaýyp, saldarynan kóshkin men ózen sýlarynyń arnasynan asýy múmkin ekendigin eskertýde.
«Talım» daýyly bıiktigi keı jerlerde 9 metrge deıin jetetin tolqyndar týdyryp, jaǵalaýdaǵy eldi mekenderge qaýip týdyryp otyr. Sol sebepti kóp jerlerde paromdy baǵyttardaǵy qozǵalystar toqtatyldy.
