Japonııada taǵy da jer silkindi
ASTANA. 16 naýryz. QazAqparat - Tokıodan birneshe ondaǵan shaqyrym jerde búgin, sársenbi kúni taǵy da jer silkinisi boldy.
Dúmpý magnıtýdasy 6 baldy shamalady, tsýnamı qaýpi joq, dep habarlaıdy «RIA «Novostı» agenttigi «Kıodo» agenttigine silteme jasap.
Japonııanyń meteorologııalyq qyzmetiniń aqparaty boıynsha, jerasty dúmpýleri Máskeý ýaqyty boıynsha saǵat 6.52 shamasynda tirkelgen. Zilzala kindigi Tokıonyń shyǵysyna qaraı 96 shaqyrym jerde ornalasqan. Zilzala oshaǵy 10 shaqyrym tereńdikte bolǵan. Zardap shekkender men qıraýlar týraly ázirge aqparat túsken joq.
Esterińizge sala keteıik, ótken juma, 11 naýryz kúni Japonııanyń Mııagı prefektýrasynda el tarıhyndaǵy eń joıqyn zilzala bolǵan edi. Zilzala magnıtýdasy 9 ball bolǵan. Sońǵy resmı málimetter boıynsha, tabıǵat apatynyń saldarynan 10 myńnan astam qaza tapqan jáne iz-túzsiz joǵalǵan. Atom-elektr stansasynda apat bolǵan.
Japonııanyń bas meteorologııalyq agenttiginiń habarlaýynsha, 7 baldan joǵary qaldyq jerasty dúmpýleri aldaǵy bir aı boıyna jalǵasady.
