Japonııada taǵy da jer silkindi, qaza bolǵandar bar
ASTANA. 8 sáýir. QazAqparat - Japonııanyń Honsıý aralynda keshe bolǵan jer silkinisi taǵy da adam qurbandyqtaryn ákeldi.
RBK agenttigiń Kyodo news agenttigine silteme jasap habarlaýynsha, qazirgi tańda 2 adamnyń qaza bolǵany jáne 132 adamnyń jaralanǵany málim bolyp otyr.
Mııagı, Ivate, Akıta, Fýkýsıma jáne ıAmagata prefektýralarynyń málimetteri boıynsha, jer silkinisinen keıin polıtsııa men órt sóndirý qyzmetterine órtený jáne gazdyń shyǵýy týraly kóptegen qońyraýlar kelip túsken. Atalǵan prefektýralarda júrdek poıyzdardyń qozǵalysy ýaqytsha toqtatyldy.
Keshegi aqparattarda, jer silkinisiniń japonnyń úsh atom-elektr stansasynda elektr energııasy problemasyn týǵyzǵany aıtylǵan bolatyn. Mııagı prefektýrasyndaǵy «Onagava» AES-inde elektrmen jabdyqtaýdyń syrtqy úsh kóziniń ekeýi isten shyqqan. Oǵan qosa, Aomorı prefektýrasyndaǵy «Hıgasıdorı» AES-inde jáne Rokkasodaǵy paıdalanylǵan ıadrolyq otyndy óńdeý stansasynda da elektr problemasy týyndap otyr.
Esterińizge sala keteıik, jańa jer silkinisi apatty jaǵdaıdaǵy «Fýkýsıma» AES-inen 116 shaqyrym jerde tirkelgen. Zilzala oshaǵy 40 shaqyrym tereńdikte bolǵan. AQSh-tyń Geologııalyq qyzmetiniń naqtylaǵan málimetteri boıynsha, jer silkinisiniń magnıtýdasy 7,1 baldy shamalaǵan.
