Japonııada taǵy birneshe jer silkinisi boldy
ASTANA. 17 naýryz. QazAqparat - Japonııanyń shyǵys jaǵalaýynda birneshe jer silkinisi boldy, eń qýatty jerasty dúmpýi 5,7 baldy qurady, dep habarlaıdy RBK AQSh-tyń Geologııalyq qyzmetine silteme jasap.
Bul 5,7 baldyq jer silkinisi Máskeý ýaqyty boıynsha saǵat 02.38 tirkeldi. Onyń kindigi Honsıý aralyǵyndaǵy Morıoka qalasynyń ońtústik-shyǵysyna qaraı 142 shaqyrym jerde ornalasqan. Al dúmpý oshaǵy Tynyq muhıttyń astynda 25,3 shaqyrym tereńdikte bolǵan.
Oǵan qosa Máskeý ýaqyty boıynsha saǵat 02:03-de Japonııanyń shyǵys jaǵalaýynda 5,1 baldyq taǵy bir jerasty dúmpýi tirkelgen. Onyń kindigi de Tynyq muhıtta, Ivakı qalasynan 238 shaqyrym qashyqtyqta ornalasqan, al saǵat 02:14-te Morıoka qalasynan 280 shaqyrym jerde 5,1 baldyq taǵy bir jer silkinisi bolǵan.
