Japonııada surapyl daýyl saldarynan qaza tapqandar sany 67-ge jetti
NUR-SULTAN. QazAqparat - Japonııada «Hagıbıs» taıfýny saldarynan qaza tapqandar sany 67-ge jetti, dep habarlaıdy QazAqparat NHK telearnasyna silteme jasap.
200-den astam adam jaraqat alǵan, taǵy 10 shaqty adam habar-osharsyz ketken.
«Hagıbıs» taıfýny kúnshyǵys eline ótken demalys kúnderi jetken edi. Keı óńirlerde eki kún ishinde jaýyn-shashynnyń eki aılyq mólsheri jaýǵan. 37 ózenge qurylǵan bógenderdiń 52-sin sý shaıyp ketti. Jalpy, 16 prefektýradaǵy 161 ózen arnasynan tasyǵan. Sonyń saldarynan turǵyn alaptary sý astynda qaldy. Ásirese Fýkýsıma, Mııagı, Kanagava, Totıgı, Saıtama, Nagano, Sıdzýoka prefektýralary zor shyǵynǵa batyp otyr.
Elde 34 myń páter jaryqsyz qaldy, 130 myń úıde sý joq.
Apat saldaryn joıýǵa 11 myń adam jumyldyryldy.
