Japonııada sýmodan ımperator kýbogynyń týrnıri alǵash ret kórermensiz ótýde
TOKIO. QazAqparat – Búgin Osaka qalasynda sýmodan Japonııa ımperatorynyń kýbogyna arnalǵan kóktemgi týrnır bastaldy. Koronavırýstyń taralý qaýpine baılanysty týrnır alǵash ret kórermensiz ótýde, dep habarlaıdy QazAqparat Habar 24-ke silteme jasap.
Kórermenderdiń bolmaǵanyna qaramastan, eldiń qoǵamdyq telearnasy tikeleı efırden jarystyń translıatsııasyn júrgizdi. Japonııanyń Sýmo federatsııasy eger sportshylardyń bireýi koronavırýspen aýyrsa, onda kóktemgi týrnır birden toqtatylatynyn atap ótti. Jergilikti turǵyn qyzyǵýshylyǵy joǵary atalmysh jarys naýryzdyń 8-inen 22-sine deıin jalǵasady.
Sýmo – Japonııadaǵy eń tanymal sport túri. Týnırge myńdaǵan kórermen jınalady. Týrnırdiń sońǵy kúninde eki ekodzýnnyń (sýmo balýanynyń eń joǵarǵy dárejesi) jekpe-jeginde ıne shanshar oryn bolmaıdy.
Qazirgi ýaqytta Japonııada koronavırýs juqtyrǵandar sany 1 150 adamnan asty, 14-i kóz jumdy. Aýrý juqtyrǵandardyń kópshiligi (696 adam) - Diamond Princess krýız laıneriniń jolaýshylary men ekıpaj músheleri.
