Japonııada sý túbine ketken tanker jaǵaǵa jetkizildi
ASTANA. QazAqparat - Japonııada sý túbine ketken 450 tonna ýly silti tıelgen «Evamarý» tankeri jaǵaǵa jetkizilip, hımıkattar túsirilip jatyr, dep habarlady Kıodo agenttigi.
Agenttiktiń habarlaýynsha, tanker bortynda 4 adam bolǵan, olardyń barlyǵy qutqaryldy, eshkim zardap shekken joq. Janarmaıdyń aǵýy nemese hımıkattardyń qorshaǵan ortaǵa túsýi sekildi oqıǵalar bolǵan joq.
Uzyndyǵy 50 metrge jetetin «Evamarý» bortynda natrıı gıdroksıdi - kúıdirgish soda ataýymen tanymal qatty ýly silti zaty bolǵan.
Tanker Japonııanyń ıAmagýtı prefektýrasyndaǵy Tokýıamakýdamatsý portynda tepe-teńdikti joǵaltqannan sýǵa batqan. Keme korpýsynyń kólbeý buryshy 22 gradýsty quraǵan, demek tankerdiń tolyq sýǵa ketý qaýpi bolǵan.
