Japonııada sý tasqyny: 90 myńnan astam adam qaýipsiz jerge kóshirildi
ASTANA. QazAqparat - Japonııada Ibarakı prefektýrasynyń 90 myńnan astam turǵyny sý tasqyny men kóshkin saldarynan úılerin tastap shyǵýǵa májbúr boldy.
Bir adam habar-osharsyz ketip, 12 adam jaraqat alǵany habarlandy. Qutqarýshylar tikushaqpen jergilikti turǵyndardy úılerdiń shatyrynan evakýatsııalaýda.
Japondyq Dzeso qalasyndaǵy Kınýgava ózeni tasyp, kem degende 22 myń adamǵa zalal keltirdi. Úılerdi ishinara nemese tolyqtaı sý basty.
Jaǵdaıdyń nasharlaýyna «Etaý» taıfýnynan keıin óńirge kelgen kúshti nóser yqpal etti. Meteorologtardyń aıtýynsha, sońǵy úsh táýlikte óńirge 600-700 mm ylǵal túsken.
Ári kúshti jel soǵýda. Sársenbide aýa raıynyń qolaısyzdyǵy saldarynan Japonııada ondaǵan avıareıster keıinge qaldyryldy. Bılik 500 myńnan astam adamǵa úılerinen kóshýdi usyndy.
