Japonııada sporttyq gımnastıkadan halyqaralyq týrnır ótedi
NUR-SULTAN. QazAqparat - Japonııa astanasy Tokıoda sporttyq gımnastıkadan halyqaralyq týrnır ótedi, dep habarlaıdy QazAqparat olympic.kz-ke silteme jasap.
Bul koronavırýs indeti bastalǵaly beri kúnshyǵys elinde ótetin alǵashqy týrnır bolmaq. Sporttyq gımnastıkadan halyqaralyq synda AQSh, Japonııa, Qytaı jáne Reseıden jalpy esebi 32 atlet baq synaıdy. Týrnır 8 qarashada bastalady dep josparlanyp otyr.
Jarysqa qatysýshylar eki apta boıy óz elderinde oqshaýlanyp, arnaıy test tapsyryp, týrnır bastalýyna bes kún qalǵanda Japonııaǵa keledi. Osylaısha, sportshylar Japonııaǵa shetelden kelýshilerge arnalǵan 14 kúndik karantınnen bosatylady.