Japonııada shoshqa tyrysqaǵy órship tur
TOKIO. QazAqparat - Japonııada shoshqa tyrysqaǵy órship tur. Іndet eldiń negizgi Honsıý aralyndaǵy Nagano, Aıtı, Gıfý, Sıga jáne Osaka prefektýralaryna tarady, dep habarlaıdy «QazAqparat» HAA Kyodo agenttigine silteme jasap.
Japonııanyń Aýyl sharýashylyǵy, orman jáne balyqshylyq mınıstrliginde ótken shuǵyl otyrysta vedomstvo basshysy Takamorı Esıkava «jaǵdaıdyń kúrt nasharlaǵanyn» jetkizdi.
Sársenbide úkimet basshysynyń keńsesinde mınıstrlerdiń, polıtsııa jáne qarýly kúshter basshylarynyń qatysýymen shuǵyl otyrys ótkizý josparlanǵan.
Armııa bólimsheleri sársenbi kúni Aıtı jáne Sıga prefektýralaryndaǵy fermalarda 7 myńnan astam shoshqany joıýdy bastady. Fermalardyń aınalasyn polıtsııa qorshap tur.
Shoshqa tyrysqaǵynyń bul jolǵy indeti jeltoqsan aıynda Gıfý prefektýrasynda bastalǵan. 2018 jyldyń sońy men 2019 jyldyń basynda onda 9 myńnan astam shoshqa joıylǵanymen, bul onyń taralýyn toqtatqan joq.
