Japonııada sezimtal robottyń 1 myń danasy bir saǵatqa jetpeı satylyp ketti
ASTANA. QazAqparat - Japonııanyń «Softbank» telekommýnıkatsııalyq kompanııasy emotsııalardy aıyryp tanı alatyn «Pepper» robottarynyń 1 myń danasyn bir saǵat ishinde satyp jiberdi. Taýardyń bir danasy 213 myń 840 ıen (shamamen 1.8 myń dollar) boldy.
Robot sóılep, áńgimelese alady. Adamnyń qas-qabaǵyna qarap, onyń kóńil kúıin seze alady. Budan basqa, «Pepper» eń qarapaıym tapsyrmalardy oryndap, úı sharýasynda kómektesedi, jalǵyzbasty adamdarǵa kómekshi bola alady.
Innovatsııalyq «oıynshyqty» «Softbank» pen «Aldebaran Robotics SAS» birge jasap shyǵardy, dep habarlaıdy Rosbalt.
Esterińizge sala keteıik, mamandar qazirdiń ózinde robottardan jylyna 8 mlrd. dollar tabatynyn aıtyp otyr.
