Japonııada selfıge túsý úshin jalǵa beriletin dostar qyzmeti paıda boldy
ASTANA. QazAqparat - Japondyq Family Romance kompanııasy óz klıentterine selfı jasaý kezinde dostardyń rólin oınap beretin akterler qyzmetin usyndy, dep jazdy Daily Mail .
Family Romance ókilderi bul qyzmettiń áleýmettik jelilerde tanymal bolǵysy jalǵyzbasty jandar arasynda suranysqa ıe bolaryna senimdi. Family Romance «agentter» dep ataıtyn akterlerdi kompanııa katalogynan tańdaýǵa bolady. Ár akterdiń qyzmeti $73 dollarǵa baǵalanady. Fotosessııanyń ortasha ýaqyty eki saǵat. Bul ýaqytta klıent ártistermen birge shekteýsiz fotosýretterge túse alady jáne olardy kez kelgen áleýmettik jelide jarııalaý quqyǵy bar. Kóbirek laık jınaý úshin kompanııa fotolardy Instagram, Facebook jáne Twitter jelisine jarııalaýǵa keńes beredi.
Kompanııa qyzmetin paıdalanǵandar saıtyna jaǵymdy pikir jazyp úlgerdi. «Men Family Romance kompanııasynan on akterdi jalǵa alyp, Tokıonyń tanymal qonaq úıinde týǵan kúnimdi toıladyq. Túngi qalanyń kóz toımas kórinisine qarap otyryp, bir-eki bokal sharap ishtik. Sodan keıin nómirge baryp, taǵy da ishtik. Olar maǵan úlken tort syılady, men kóp selfı jasadym», - dep jazdy klıentterdiń biri.
