Japonııada saıahatshylar avtobýsy apatqa ushyrap, 14 adam qaza tapty
ASTANA. QazAqparat - Japonııada Tokıodan Nagano prefektýrasyndaǵy demalys aımaǵyna bara jatqan saıahatshylar avtobýsy jol-kólik apatyna ushyrap, 14 adam qaza tapty, taǵy 27 adam jaralandy, dep habarlady VVS agenttigi.
Jol apaty, taý ishindegi jolda oryn alǵan. Avtobýsta 41 adam, onyń ekeýi kólik júrgizýshisi bolǵan. Boljam boıynsha, avtobýs Karýıdzava kýrortyna jaqyndap qalǵan tusta joldyń qarsy betine shyǵyp ketip, 3 metr bıikten aýdarylǵan.
Apat tańǵa jýyq bolǵany, alaıda ol kezde jol taıǵaq bolmaǵany habarlandy.
Japonııada sońǵy jyldary birqatar jol-kólik apaty júrgizýshiniń qalǵyp ketýinen bolǵan.
