Japonııada Sakýradzıma janartaýy atqylady
NUR-SULTAN. QazAqparat – Japonııanyń meteorologııa basqarmasy Sakýradzıma janartaýynan tóngen qaýipke baılanysty onyń mańynda júrýge tyıym salynǵan aımaqty keńeıtti, dep habarlaıdy QazAqparat NHK-ǵa silteme jasap.
Japonııanyń ońtústik-batysynda ornalasqan Sakýradzıma janartaýy jeksenbi túnde atqylaǵan. Ol aspanǵa bıiktigi 2,3 shaqyrymǵa deıin jetetin tútin men kúl shashty. Pıroklastık aǵyn kraterden shamamen 1,8 shaqyrym jerde ornalasqan aýdanǵa deıin jetken.
Osyǵan baılanysty, meteorologııalyq basqarma janartaýdyń mańynda júrýge tyıym salynǵan aımaqty 2 shaqyrymnan 2,4 shaqyrymǵa deıin keńeıtti, bul rette qaýiptiliktiń deńgeıi ózgerissiz – bes baldyq shkala boıynsha úsh ball bolyp qalǵan.
