Japonııada poıyz júk kóligimen soqtyǵysyp, relsten shyǵyp ketti
NUR-SULTAN. QazAqparat – Japonııada Tokıonyń mańyndaǵy Iokogama qalasynda jolaýshylar poıyzy júk kóligimen soqtyǵysyp, relsten shyǵyp ketti. Bul týraly beısenbi kúni Japonııanyń qoǵamdyq telearnasy habarlady.
Kem degende 17 adam zardap shekken oqıǵa temirjol ótkelderiniń birinde bolǵan. Japonııanyń qoǵamdyq telearnasy kórsetken kadrlarda poıyzdyń aldyńǵy vagony qatty zaqymdalǵan. Oqıǵa ornynda qoıý tútin shyǵyp jatyr.
Qazir ol jerde qutqarýshylar jumys isteýde. Polıtsııa oqıǵanyń mán-jaıyn anyqtaýǵa kiristi.
