Japonııada pil zoobaq qyzmetshisin qurban etti
ASTANA. QazAqparat - Japonııadaǵy Adventure World tanymal tematıkalyq demalys saıabaǵynda pil zoobaq qyzmetshisine shabýyl jasady, dep habarlaıdy Kıodo agenttigi.
Janýarlarmen jumys mamany taılandtyq Ýıchaı Madı áriptesimen birge pilderdi shomyldyrý úshin eden jýatyn quraldy alyp, qamaýǵa kiredi. Birshama ýaqyt ótken soń, janýar ashýlanyp, tumsyǵymen aryberi silkilenedi. Keıinnen zoobaqtyń bir qyzmetshisin tumsyǵymen temir qorshaýǵa laqtyryp jiberedi. Sodan soń pil ony birneshe ret qamaýdyń ishinde súıreleıdi.
Oqıǵadan keıin 37 jastaǵy Taıland azamaty aýrýhanaǵa jetkizildi. Alaıda, ol alǵan jaraqattarynyń saldarynan kóz jumdy. Janýardyń osy áreketin mal dárigerleri anyqtaýda.
