Japonııada parlamenttik saılaý ótip jatyr
ASTANA. QazAqparat - Japonııada parlamenttiń joǵarǵy palatasyna depýtattardy saılaý bastalyp ketti, dep habarlaıdy 24.kz telearnasy.
Oǵan 32 aımaqtyń barlyq ýchaskesindegi saılaý úıleri jergilikti ýaqytpen saǵat 07:00-den bastap ashylǵan. Sońǵy málimetterge qaraǵanda, qazirge deıin daýys berýge quqyǵy bar azamattardyń 22%-y óz tańdaýyn jasap úlgergen.
Aldyn ala saýalnama nátıjesi boıynsha, jeńiske eldiń premer-mınıstri Sındzo Abe jetekshilik etetin Lıberaldy-demokratııalyq partııasy jetýi múmkin. Ol partııanyń músheleri tómengi palata depýtattarynyń 3/2-sin quraıdy.
Endi olar osyndaı basymdyqqa joǵarǵy palatada da qol jetkizýdi josparlap otyr. Japonııada parlamenttiń joǵarǵy palatasyna depýtattar 6 jylǵa saılanady. Al olardyń jartysy úsh jyldan keıin qaıta saılaýdan ótedi. Bıylǵy jyldyń taǵy bir ereksheligi, Japonııa 70 jyldan keıin daýys berý jasyn 20 jastan 18 jasqa ózgertti. Endi eldiń 18-ge tolǵan kez kelgen azamaty óz tańdaýyn jasaı alady.
