Japonııada otstavkadaǵy áskerı azamat mereke kezinde ózin jaryp jiberdi
ASTANA. QazAqparat - Japonııanyń qorǵanys salasynyń otstavkadaǵy qyzmetkeri Ýtsýnomııa qalasyndaǵy saıabaqta mereke ótip jatqan jerde ózin jaryp jiberdi, dep habarlaıdy QazAqparat Rıa Novostı agenttigine silteme jasap.
Jarylystyń saldarynan eki azamat pen bir bala jaraqat aldy. Jarylys bolǵan ýaqytta samýraılardyń kıim úlgisindegi sapqa tizilgen balalar saıabaqtyń ortalyǵyna qaraı jyljyp bara jatqan.
Ózin jaryp jibergen er azamattyń denesi múldem tanymastaı bolyp ketken. Sol sebepti onyń kim ekenin tek tisi arqyly anyqtaý múmkin boldy. Ol 72 jastaǵy otstavkadaǵy áskerı Tosıkatsý Kýrıhara bolyp shyqty. Onyń kıiminiń aman qalǵan bólikterinen «Qanymmen óteımin» degen maǵynadaǵy jazýy bar hat tabylǵan.
Saıabaqta jarylys bolǵan sátte ol jerden 200 metr aımaqta ornalasqan aqyly kólik turaǵynda da jarylys boldy. Polıtsııa qyzmetkerleriniń anyqtaýynsha, ol jerde Kýrıharanyń avtomobıli jarylǵan. Osy kúni onyń úıi órtenip ketti.
Polıtsııa tekserý jumystaryn bastady jáne adam óltirýge umtylý áreketi boıynsha qylmystyq is qozǵady.
