Japonııada orman órtendi

ASTANA. KAZINFORM — Tokıonyń batysyndaǵy ıAmanası prefektýrasynda orman órtendi, dep habarlaıdy Kyodo. 

Jergilikti bılik órt sóndirýshiler tilsiz jaýdy aýyzdyqtaý úshin jumys istep jatqan kezde jaqyn mańdaǵy turǵyndarǵa qaýipsiz jerge kóshýge keńes berdi.

Polıtsııa men jergilikti órt sóndirý bólimi zardap shekkender nemese jaqyn mańdaǵy úılerge zaqym kelgeni týraly habar almady. Degenmen, ıAmanası prefektýralyq úkimeti órtti sóndirý úshin ózin-ózi qorǵaý kúshteriniń qyzmetkerlerin jiberýdi surady.

Tańǵy saǵat 10:45 shamasynda polıtsııaǵa turǵynnan 1138 metr bıiktiktegi Ogı taýynan tútin shyǵyp jatqany týraly jedel qońyraý kelip tústi. Ýenohara qalasynyń sheneýnikteri shamamen 150 turǵynǵa úılerinen kóshýge keńes berdi.

Jergilikti órt sóndirý qyzmetiniń málimetinshe, túnde órtti sóndirý jumystary toqtatyldy.

Eske salaıyq, Aýstralııada orman órti 16 úıdi jalmap, myńdaǵan turǵyn evakýatsııalanǵan edi.