Japonııada ómir boıyna koronavırýsqa qarsy ımmýnıtet beretin vaktsına jasalyp jatyr
TOKIO. QazAqparat – Tokıo medıtsına ǵylymdary ınstıtýtynyń ǵalymdar toby ómir boıyna koronavırýstan qorǵaıtyn ımmýnıtet qalyptastyratyn vaktsına jasap jatyr. The Japan Times basylymynyń senbi kúni habarlaýynsha, klınıkalyq synaqtar shamamen 2023 jyly bastalýy múmkin.
Professor Mınınorı Koharaı jetekshilik etetin mamandar negiz retinde 18 ǵasyrda brıtandyq dáriger Edvard Djenner oılap tapqan qorasanǵa qarsy vaktsınany aldy. Onyń quramynda adamǵa zııany joq sıyr shesheginiń vırýsy bar. Atalǵan vaktsına adamzatty aman alyp qalǵan.
Japondyq ǵalymdar qorasanǵa qarsy vaktsınanyń rekombınantty vırýsyn jasaýdy oılap otyr. Onyń quramynda SARS-CoV-2 vırýsynyń aqýyzy bolady. Olardyń oıynsha, bul tásil koronavırýstan ómir boıyna qorǵaıtyn ımmýnıtet qalyptastyrýǵa kómektesedi.
Tyshqandarǵa qorasanǵa qarsy vaktsınanyń rekombınantty vırýsynyń qoldanylýymen tájirıbe jasaldy, nátıjesinde antıdeneler kórsetkishi joǵary bolyp, 20 aıdan asa ýaqyt saqtaldy. Oǵan qosa, 20 aıdan keıin qus tumaýy juqtyrylǵan tyshqandar aman qaldy.
«Men adenovırýs jáne RNQ vaktsınasy sııaqty túrli ekpelerdiń tehnologııalarymen jumys istep kórdim, alaıda qorasanǵa qarsy vaktsına vırýsynyń vektoryn qoldanatyn preparattar eń myqty bolyp shyqty», - dedi Kohara.
Onyń aıtýynsha, atalǵan vaktsınanyń kishigirim janama áserleri bolady, sonymen qatar olar tasymaldaý men saqtaý úshin erekshe jaǵdaıdy qajet etpeıdi.
