Japonııada oqýshylar vırtýaldyq mektepte bilim alýda
ASTANA. QazAqparat - Japonııada N High School vırtýaldyq orta mekteptiń ashylý rásimi ótti. Bul týraly The Wall Street Journal habarlady.
Ashylý rásimine mekteptiń birinshi kýrstaǵy 1 482 oqýshysynyń 73-i qatysty. Tokıoda júrip, olar vırtýaldyq jaǵdaı kózildirikteri arqyly Okınavada arada 1 500 shaqyrymdaı qashyqtyqta ornalasqan mektep dırektorynyń sózin estip qana qoımaı kampýstaǵy barlyq jaǵdaıdy kóre jáne sezine aldy.
«Stýdentter vırtýaldyq kózildirik kómegimen Okınava atmosferasyn sezine alǵanyn qaladyq. Biz tehnıkalyq bilimge ıkemi bar stýdentterdi oqytýǵa tyrysyp otyrmyz, sondyqtan olarǵa vırtýaldyq jabdyǵyn synaqtan ótkizý múmkindigi berildi», - dep habarlady Dwango Corp kompanııasynyń baspasóz qyzmetkeri Mısa Nashımoto.
Naýryzda Kadokawa Dwango Corp medıaholdıngi N High School - ІT jáne medıatehnologııalardy zerteýge arnalǵan vırtýaldyq mektepti ashty.
Stýdentter arnaıy qosymshanyń kómegimen barlyq derlik sharalarǵa «qatysyp», synyptastarymen onlaın rejımde áńgimelese alady. Bul oqý mekemesinde bilim alýdyń quny jylyna 900 dollar shamasynda.
