Japonııada oqý-jattyǵý kezinde mına áskerı polıgonnan tys jerge qulaǵan
TOKIO. Kyodo-QazAqparat – Japonııanyń batysyndaǵy Sıga prefektýrasynda oqý-jattyǵý atystaryn júrgizý kezinde mına áskerı polıgonnan tys jerge qulaǵan, dep habarlaıdy QazAqparat Kyodo agenttigine silteme jasap.
Japonııanyń qurlyqtaǵy Ózin-ózi qorǵaý kúshteriniń jaýyngerleri 120 mm kalıbrli mınometterden oq atqan. Aldyn ala málimetter boıynsha, bir mına polıgonnan tys jerge ushyp ketip, atys ornynan 1 km qashyqtyqta taýly aımaqqa qulaǵan.
Qazirgi ýaqytta ony izdeý jumystary júrgizilýde. Qandaı da bir keltirilgen zalal nemese zardap shekkender týraly habarlanǵan joq.
Oqıǵa saldarynan polıgonda oq atýdy toqtata turý týraly sheshim qabyldandy, ol beısenbide Orient Shield japon-amerıkalyq birlesken jattyǵýlarynyń aıasynda eki taraptyń 3 myńǵa jýyq adamynyń qatysýymen bastalýy kerek edi.
