Japonııada nóser jaýynnyń saldarynan 216 adam mert boldy
ASTANA. QazAqparat - Japonııada nóser jaýyn men onyń saldarynan bolǵan sý tasqyny men kóshkinderdiń saldarynan 216 adam qurban boldy. Taǵy ondaǵan adam iz-túzsiz joǵalǵandardyń qatarynda nemese olarmen baılanys úzilgen. Bul týraly jeksenbi kúni eldiń bas polıtsııa qyzmeti málim etti, dep habarlaıdy QazAqparat TASS agenttigine silteme jasap.
Jergilikti shuǵyl qyzmet ókilderi polıtsııa men Qorǵanys mınıstrligi áskerleriniń kómegimen izdestirý jáne qutqarý operatsııalaryn jalǵastyrýda. Tabıǵat apatynan zardap shekkenderge kómektesý úshin Japonııanyń batys óńirine eldiń túkpir-túkpirinen myńdaǵan eriktiler jınaldy.
Sý tasqyny men kóshkinderdiń saldarynan Japonııanyń 47 prefektýrasynyń 31-i nemese 160 úı túgeldeı joıylǵan. 700-ge jýyq úıge aıtarlyqtaı zaqym kelip, 25 myńy sý astynda qalǵan. 6 myńǵa jýyq adam arnaıy evakýatsııalyq ortalyqtarda jatyr, olardyń úılerine qaıtýlaryna múmkindik joq. Al qazir Japonııany aptap ystyq jaılaǵan. Jeksenbi tań atqaly munde termometr baǵany 30 gradýstan joǵarylap ketken. Bul onsyz da qıyn jaǵdaıdy odan beter ýshyqtyryp otyr.
Mol kólemdegi nóser jańbyr Japonııaǵa «Prapırýn» taıfýnynyń áserinen ótken aptada jaýǵan bolatyn. Eldiń keıbir aýdandarynda ylǵal kólemi 1 mm-den asty. Sonyń saldarynan ózender arnasynan asyp, kóshkin júre bastady.
Japonııa tarıhynda eń kóp adam qurban bolǵan tabıǵat apaty 1953 jyly tirkelgen. Ol jyly Kıýsıý aralynda barlyǵy 759 myń adam qurban bolyp, 450 myń adam baspanasynan aıyrylǵan edi.
