Japonııada nóser jaýyn saldarynan 60-taı adam ajal qushty
ASTANA. QazAqparat - Japonııada nóser jaýyn saldarynan kóshkin júrip, qurban bolǵan adamdar sany 58-ge jetti. Bul týraly Kyodo agenttigi habarlaıdy.
TASS keltirgen málimetterge saı, 44 adam iz-túzsiz joǵalyp ketken. Qutqarýshylar Japonııanyń azamattyq qorǵanys kúshteriniń kómegimen jeksenbi kúni tańda izdeý jumystaryn qaıta jalǵastyrdy.
El úkimeti premer-mınıstr Sındzo Abeniń basshylyǵymen tabıǵat apatyna baılanysty shuǵyl otyrys ótkizdi. «Kóptegen adamdardyń qaýipsizdigi qyl ústinde tur. Bar kúshti adamdardy qutqarý jolyna salý kerek», - dep atap ótti Abe.
Aıta keteıik, nóser jańbyr «Prapırýn» taıfýnynyń áserinen týyndaǵan bolatyn.
