Japonııada nóser jaýyn alty adamnyń ómirin qıdy
ASTANA.KAZINFORM - Japonııanyń shyǵysynda nóser jaýyn saldarynan alty adam qaza tapty, dep habarlaıdy Kyodo.
Tokıo mańyndaǵy Tıba prefektýrasynda joldar sý astynda qalyp, uzyn-sonar kólik keptelisi paıda boldy.
Japonııa meteorologııalyq agenttigi aımaq úshin eń joǵary - besinshi deńgeıli kóshkin týraly eskertý jarııalady, biraq juma kúni barlyq eskertýler tómendetildi.
400 myńnan astam adamǵa evakýatsııalaý týraly buıryq berildi. 45 000 úı elektr qýatynsyz qaldy.
Poıyz ben avtobýs qatynasynyń úzilýine baılanysty shamamen 7000 adam áýejaıda túnedi.
Nóser jaýynnan Tıba men Tokıonyń kóp bóliginde kólik qozǵalysy qıyndady.
Tıbada beısenbi kúni keshke bir saǵat ishinde jaýyn-shashyn mólsheri 115 mıllımetrge jetti.
Buǵan deıin Almaty oblysynda nóser saldarynan trassanyń bir bóligin sý shaıyp ketken edi.
