Japonııada nóser jańbyr quıyp tur: myńdaǵan adam evakýatsııalanbaq
TOKIO. QazAqparat – Japonııanyń batysyndaǵy Sımane prefektýrasynyń bıligi aımaqta jaýyp tolassyz jaýynǵa baılanysty kóshkin júrý qaýpi týyndaǵandyqtan, shamamen 140 myńǵa jýyq turǵyndy evakýatsııalaý týraly uıǵarym shyǵardy. Bul jaıly QazAqparat NHK telearnasyna silteme jasap habarlaıdy.
Búgin Sımane soltústigindegi Idzýmo qalasynda 75 mm jýyq jaýyn-shashyn túskeni atap ótildi.
Eske sala ketsek, 4 maýsym kúni Japonııanyń ortalyq bóligindegi Atamı qalasynda kóshkin júrýi saldarynan bes adam qaza taýyp, taǵy 29-y iz-túzsiz joǵalyp ketken edi. Kóshkin uzaqtyǵy shamamen 2 shaqyrym jerdi qurady, 130-dan astam úı men qurylysqa shyǵyn keltirilgen.
