Japonııada nóser jańbyr men sý tasqynynan 13 adam qaza tapty
ASTANA. KAZINFORM — Japonııanyń Tıba prefektýrasynda jaýǵan nóser jańbyr saldarynan sý tasqyny bolyp, 13 adam qaza tapty. Taǵy bir adam iz-túzsiz joǵalyp ketken. Bul týraly Anadoly agenttigi habarlady.
NHK málimetinshe, Tokıonyń shyǵysynda ornalasqan Tıba bıligi ótken aptada óńirde jaýyn qatty jaýǵanyn jarııalady. Nóser jańbyrdan keıin sý tasqyny bolyp, 13 adam qaza tapqany habarlanǵan. Taǵy bir adam habar-osharsyz ketken.
Sondaı-aq 66 úı zaqymdanǵan, al 63 adam evakýatsııalyq ortalyqtarǵa ornalastyrylǵan.
Bılik joldarda qalyp qoıǵan shamamen 2,5 myń kólikti evakýatsııalaý jumystaryn jalǵastyryp jatyr.
Buǵan deıin Japonııada nóser jaýyn alty adamnyń ómirin qıǵanyn jazdyq.
