Japonııada nóser saldarynan qurban bolǵandar sany 204 adamǵa jetti
ASTANA. QazAqparat - Tolassyz jaýǵan jańbyr men sý tasqyny, laı kóshkini saldarynan Japonııada qaza tapqandar sany 204 adamǵa jetti. Bul týraly juma kúni eldiń bas polıtsııa basqarmasy málim etti, dep habarlaıdy TASS.
Kyodo agenttiginiń deregi boıynsha, 60-tan astam adam iz-túzsiz joǵalǵan jáne baılanysqa shyqpaǵan. Jergilikti jedel qyzmet polıtsııasy eldiń ózin-ózi qorǵaý kúshteri sarbazdarynyń qoldaýymen izdeý jáne qutqarý operatsııalaryn júrgizip jatyr.
Ótken aptanyń ortasynda Japonııaǵa tóngen «Prapırýn» daýyly alapat nóserdi qosa ákelgen bolatyn. Eldiń keıbir aýdandarynda birneshe kúngi jaýyn-shashyn mólsheri 1000 mm-den asyp ketti. Munshalyqty alapat nóser 1953 jyldan beri baıqalmaǵan bolatyn. Ol kezde Japonııanyń batysyndaǵy Kıýsıý aralynda 759 adam qaza taýyp, 450 myńnan astam adam baspanasyz qalǵan bolatyn.
