Japonııada nóser saldarynan qurban bolǵandar sany 195 adamǵa jetti
ASTANA. QazAqparat - Japonııada tolassyz jaýǵan nóser men sodan týyndaǵan sý tasqyny saldarynan opat bolǵandar sany 195 adamǵa jetti, taǵy jıyrmadan adam habar-osharsyz ketken, dep habarlaıdy TASS.
Mınıstrler kabınetiniń bas hatshysy Esıhıde Sýganyń aıtýynsha, taǵy 40-qa jýyq adammen baılanys ornatý múmkin bolmaı otyr. «Budan tys, 4 adam hal ústinde jatyr, habar-osharsyz ketkenderdiń sany 23-ke jetti. Sý tasqynynyń saldaryn joıý men joǵalǵandardy izdeýge 70 myń adam jumyldyrylǵan», - deıdi ol.
Kyodo agenttiginiń málimdeýinshe, evakýatsııa ortalyqtarynda úıin sý basqandyqtan tastap shyqqan 6 myńnan astam adam bar.
Ótken aptanyń ortasynda Japonııaǵa tóngen «Prapırýn» daýyly alapat nóserdi qosa ákelgen bolatyn. Eldiń keıbir aýdandarynda birneshe kúngi jaýyn-shashyn mólsheri 1000 mm-den asyp ketti. Munshalyqty alapat nóser 1953 jyldan beri baıqalmaǵan bolatyn. Ol kezde Japonııanyń batysyndaǵy Kıýsıý aralynda 759 adam qaza taýyp, 450 myńnan astam adam baspanasyz qalǵan bolatyn.
Foto: english.kyodonews.net
