Japonııada mysyqqa arnalǵan sharap shyǵaryldy
ASTANA. 17 qazan. QazAqparat - Japonııa dúkenderiniń sórelerinde mysyqtarǵa arnalǵan «Nyan Nyan Noveau» ataýymen sharap paıda boldy.
Vıno saýdaǵa syıymdylyǵy 180ml. bótelke úshin 399 ıen baǵasymen tústi (shamamen 4 dollar). Ony janýarlarǵa azyq óndirýmen aınalysatyn kompanııa shyǵarǵan.
Mysyqqa arnalǵan sharaptyń quramynda alkogol joq, dep jazady Lenta.ru. Іshimdik kaberne júzim sortyna dárýmender men mysyq jalbyzynan (onyń ishinde mysyqtardyń reaktsııasyn shaqyratyn valerıankaǵa uqsas áreket etetin efır maıy bar ) jasalǵan.
