Japonııada munaı óńdeý zaýyty órtenip jatyr
ASTANA. QazAqparat - Japonııanyń Vakaıama prefektýrasyna qarasty Oıta qalasyndaǵy munaı óńdeý zaýytynda úlken órt bolyp jatyr. Ázirge órttiń saldarynan zardap shekken nemese qaıtys bolǵandar týraly málimet joq, dep habarlaıdy RIA Novostı.
NHK telearnasynyń málimetterinshe, órt jergilikti ýaqyt boıynsha saǵat 16-00-der shamasynda tutanǵan.
Aldyn ala málimetter boıynsha, órt munaı qurylǵylaryna jaǵylatyn arnaıy materıaldardyń janýynan bastalǵan. Alaıda, ol áli resmı rastalǵan joq. Jarylys bolǵany týraly nemese onyń daýsyn estigender týraly habar túsken joq.
Qala bıligi zaýyttyń aınalasynda turyp jatqan 2,9 myń adamdy qaýipsiz aımaqqa kóshirýdi jón sanap otyr.
