Japonııada mektep oqýshylary qar kóshkini astynda qaldy
ASTANA. QazAqparat - Japonııanyń Nasý qalasyndaǵy (Totıgı prefektýrasy) taý-shańǵy kýrortynda qar kóshkini júrdi.
Onda birneshe mektep oqýshysynyń úıindi astynda qalǵany týraly TASS agenttigi jergilikti polıtsııaǵa silteme jasap habarlady.
Kyodo agenttiginiń habarlaýynsha, qutqarýshylar úsh adamnyń máıitin tapty. Taǵy úsh zardap shegýshi izdestirilýde.
Shıpajaı aımaǵynda ártúrli mektepterden barlyǵy 50-ge jýyq oqýshy bar. Olar taýǵa órmeleý sharasyna qatysqan.
