Japonııada magnıtýdalyq qýaty 5,8 ballǵa jetken kúshti jer silkinisi boldy
ASTANA. Qyrkúıektiń 30-y. QazAqparat - Japonııada magnıtýdalyq qýaty 5,8 ballǵa jetken kúshti jer silkinisi boldy. Jer asty dúmpýin Japonııanyń 47 prefektýrasynyń 14-iniń turǵyndary aıqyn sezindi, dep habarlaıdy ITAR-TASS.
Jer silkinisiniń epıtsentri Japonııanyń negizgi aralynyń ortalyǵyndaǵy Fýkýsımo prefektýrasynda, al zilzala oshaǵy 20 shaqyrym tereńdikte baıqalǵan.
Ulttyq meteorologııalyq agenttik tsýnamı bolady dep jarııalaǵanymen, arada biraz ýaqyt ótkende eskertýdi alyp tastady. Zardap shekkender men qıraǵandar týraly aqparat ázirge joq.
Japonııa arhıpelagy tórt tektonıkalyq plıtanyń túıisken jerine ornalasqan, sondyqtan da munda jyl saıyn jerdiń silkinýiniń magnıtýdalyq qýaty 6,0 ball bolatyn, tirkelgen jer silkinisiniń 20 paıyzy osynda bolyp turady.
