09:50, 04 Qarasha 2022 | GMT +6
Japonııada qus tumaýynyń órshýine baılanysty 1,5 mıllıonnan astam taýyq joıylady
TOKIO. TASS-QazAqparat – Japonııanyń Okaıama jáne Ibarakı prefektýralarynyń bıligi olardyń aýmaǵynda tirkelgen qus tumaýynyń órshýine baılanysty kem degende 1,5 mıllıon taýyqty joıýǵa buıryq berdi.
Bul juma kúni Okaıama ákimshiligi men Japonııanyń aýyl sharýashylyǵy, orman sharýashylyǵy jáne balyq sharýashylyǵy mınıstrliginiń saıttarynda jarııalanǵan habarlamalarda jazylǵan, dep habarlaıdy QazAqparat reseılik TASS agentigine silteme jasap.
Okaıamada qus tumaýynyń órshýine baılanysty Kýrasıkı qalasyndaǵy fermada 510 myńǵa jýyq taýyq soıylady. Jumys kólemi úlken bolǵandyqtan, indettiń saldaryn joıýǵa Japonııanyń Ózin-ózi qorǵaý kúshteriniń jaýyngerleri tartylýda. Kasýmıgaýra qalasynda (Ibarakı prefektýrasy) birden 1 mıllıon taýyqty soıý josparlanyp otyr.
Osy maýsymda osymen úshinshi jáne tórtinshi ret aýrý órshidi. Qazan aıynyń sońynda Hokkaıdo men Okaıama prefektýralaryndaǵy eki epıdemııaǵa baılanysty 340 myń taýyq joıyldy.
