Japonııada qus tumaýynyń órshýine baılanysty 1,5 mıllıonnan astam taýyq soıylady

TOKIO. TASS-QazAqparat – Japonııanyń Okaıama jáne Ibarakı prefektýralarynyń bıligi qus tumaýynyń órshýine baılanysty 1,5 mıllıon taýyqty joıýǵa buıryq berdi. Bul juma kúni Okaıama ákimshiligi men Japonııanyń aýyl sharýashylyǵy, orman sharýashylyǵy jáne balyq sharýashylyǵy mınıstrliginiń saıttarynda jarııalanǵan habarlamada jazylǵan, dep habarlaıdy QazAqparat TASS agenttigine silteme jasap.

Okaıamada qus tumaýynyń órshýine baılanysty Kýrasıkı qalasyndaǵy fermada 510 myńǵa jýyq taýyq soıylady. Jumys kólemi úlken bolǵandyqtan, indettiń saldaryn joıýǵa Japonııanyń ózin-ózi qorǵaý kúshteriniń jaýyngerleri tartylýda. Kasýmıgaýra qalasynda (Ibarakı prefektýrasy) birden 1 mıllıon taýyqty soıý josparlanyp otyr.

Osy maýsymda osymen úshinshi jáne tórtinshi ret aýrý órshidi. Qazan aıynyń sońynda Hokkaıdo men Okaıama prefektýralaryndaǵy eki epıdemııaǵa baılanysty 340 myń taýyq joıyldy.

Ashyq kózderden alynǵan foto