Japonııada qus tumaýy anyqtaldy
ASTANA. QazAqparat - Japonııanyń Saga prefektýrasynyń eki qus fabrıkasynda qus tumaýy anyqtaldy. Bul týraly atalmysh prefektýranyń saıtynda habarlanǵan dep jazady sheteldik BAQ.
Vırýstyń taralýynyń aldyn alý úshin provıntsııa bıligi 73 myń taýyqtyń kózin joıý týraly sheshim qabyldady. Sondaı-aq qus fabrıkalary aýmaǵynda karantın jarııalanyp, janýarlar ónimin 3 shaqyrymnan alys qashyqtyqqa tasymaldaýǵa tyıym salynǵan. Qazirgi kezde prefektýra joldarynda dezınfektsııalaý sharalary júrgizilýde. Budan buryn Amerıkanyń Vashıngton shtatyndaǵy jeke menshik fermada qus tumaýy vırýsy anyqtalǵan bolatyn.
