Japonııada qurastyrylǵan robot-qasqyr ańdardy úrkitip jatyr
HOKKAIDO. KYODO NEWS -QazAqparat –Hokkaıdo ortalyǵynda kólikterge arnalǵan qosalqy bólshekterdi óndirýshi kásiporynnyń aıýlardy jáne basqa da jyrtqysh ańdardy qorqytýǵa arnalǵan qubyjyq robot-qasqyry el nazaryn aýdarýda, dep habarlaıdy QazAqparat KYODO NEWS agenttigine silteme jasap.
Robottyń uzyndyǵy 1,2 metr, ony Ohta Seiki Co kompanııasy jasaǵan. Ol 60-qa deıin túrli dybystar shyǵara alady, qasqyrdyń ulyǵanyn jáne adam daýsyn sala alady. Robot basyn jaryq dıodty kózderimen qozǵaltý arqyly jaqyndap kele jatqan janýarlardy ınfraqyzyl dabyl bergishpen anyqtaıdy.
Japonııada shamamen 70 robot ornatyldy, onyń ishinde jergilikti turǵyndardy qabandar mazalaıtyn Okınavanyń ońtústik prefektýrasyndaǵy Isıgakı araly da bar.
Qosalqy bólshekterdi óndirýshi kompanııanyń prezıdenti ıÝdjı Ohta jyrtqysh ańdardyń eginge keltirgen zalalyn baqylaý qajettiligine baılanysty mundaı robottarǵa qyzyǵýshylyq bildirip otyrǵandyǵyn aıtty. Shet elder de osynaý qubyjyq qasqyrǵa suranys tanytyp otyr, soǵan oraı eksportqa shyǵarý da qolǵa alynbaq.
