Japonııada kúndelikti vırýs juqtyrǵandar sany alǵash ret 1000-nan asty
TOKIO. Kyodo News-QazAqparat – Japonııa beısenbide koronavırýs jaǵdaıynyń kúndelikti sany 21 tamyzdan bastap alǵash ret 1000-nan asqanyn habarlady, dep jazady QazAqparat Kyodo News-ke silteme jasap.
Sońǵy kúnderi Japonııanyń túrli bólikterindegi qosymsha ınfektsııalardyń sany artýda. Densaýlyq saqtaý salasynyń keı mamandary nashar jeldetiletin jerlerde bolýǵa májbúr adamdardyń vırýsty kóbirek juqtyratynyn eskertip otyr. Tokıo men Osakadan basqa, beısenbide týrısterdiń súıikti mekeni Hokkaıdoda ınfektsııanyń jańa jaǵdaılary 100-den asty. Vırýs bastalǵannan beri alǵash ret eldiń negizgi soltústik aralynda joǵary kórsetkish baıqaldy. Tokıo ınfektsııanyń 269 jańa jaǵdaıyn rastady, olardyń jalpy sany 31 893-ke jetti. Bul – Japonııanyń 47 prefektýrasynyń ishindegi eń joǵary kórsetkish.
