Japonııada qýatty jer silkinisi boldy
ASTANA. QazAqparat - Japonııada 7,3 magnıtýdalyq jer silkinisi boldy. Bul týraly AQSh-tyń geologııalyq qyzmetiniń saıtynan habarlandy, dep jazdy lenta.ru.
Jerasty dúmpýleri dúısenbi kúni, 21 qarashada sezildi. Zilzalanyń oshaǵy jaǵalaýdaǵy Ivakı qalasynan shyǵysqa qaraı shamamen 60 km jerdegi teńizde boldy.
Dúmpý 10 km tereńdikten bastalǵan.
2011 jyldyń 11 naýryzy kúni eldiń tarıhyndaǵy eń qýatty jer silkinisi boldy. Honsıý aralynyń shyǵys jaǵalaýynda tirkelgen qýaty 9,1 magnıtýda bolatyn dúmpýlerden soń tsýnamı kóterildi.
Apat «Fýkýsıma-1» atom elektr stantsııasynyń jarylýyna ákelip soqtyrdy. Onda reaktorlardy salqyndatyp turatyn júıe isten shyqqan edi. Bul jaǵdaı nysannyń qorǵanys júıesine nuqsan keltirip, stantsııa ornalasqan aımaq túgeldeı radıoaktıvti zattarmen ýlandy. Stantsııa aımaǵyn 300 myńǵa jýyq turǵyn tastap shyqty.
