Japonııada krýız laıneriniń bortynda taǵy 10 adam koronavırýs juqtyrǵany anyqtaldy
TOKIO. QazAqparat - Iokogama portynda karantınde turǵan krýız kemesinde taǵy 10 adamnyń synamasy oń nátıje kórsetti. Olar Qytaıdyń Ýhan qalasynda shyqqan koronavırýstyń jańa túrin juqtyrǵan. Bul týraly Kyodo agenttigi beısenbi kúni eldiń Densaýlyq saqtaý mınıstrligine silteme jasap habarlaıdy.
Sońǵy derekter boıynsha kemede jalpy 20 adam vırýs juqtyrǵan.
Eske sala ketsek, 2 666 jolaýshysy jáne 1 045 ekıpaj múshesi bar «Diamond Princess» krýız kemesi Gonkongtan shyqqan 80 jasar jolaýshydan koronavırýs tabylǵannan keıin Kanagava prefektýrasynyń astanasynda aılaqta karantınde tur.
