Japonııada koronavırýs juqtyrý jaǵdaıy rekordtyq kórsetkishke jetti
TOKIO. QazAqparat – Japonııada koronavırýs juqtyrý oqıǵalary búgin alǵash ret 1000-nan asty. COVID-19 juqtyrǵandar Tokıonyń syrtynda kóp tirkelip jatyr, dep habarlaıdy QazAqparat Kyodo agenttigine silteme jasap.
Jańa juqtyrý oqıǵalarynyń rekordtyq kórsetkishke jetkenine turǵyny kóp prekfektýralar, onyń ishinde Aıtı men Osakada syrqattanǵandar sanynyń artýy sebep boldy. Japonııada 47 prefektýranyń ishinde buǵan deıin COVID-19 juqtyrý oqıǵasy tirkelmegen jalǵyz Ivatede búgin alǵashqy ınfektsııaǵa shaldyqqan adam anyqtaldy.
Osaka prefektýrasy úkimeti 221 koronavırýs juqtyrý oqıǵasy tirkelgenin málimdedi.
Osaka sekildi Aıtıde de COVID-19 juqtyrýdyń táýliktik rekordy tirkeldi. Ekinshi kún qatarynan 167 vırýs juqtyrý oqıǵasy anyqtalǵan.
Búgin Tokıo bıligi 250 vırýs juqtyrǵan adam tirkelgenin habarlady. Japonııa astanasynda syrqattanǵandardyń jalpy sany 11 861-ge jetti. Onyń jartysy osy aıda tirkelgen.
Eldegi koronavırýs juqtyrǵandar sanynyń úshten biri Tokıonyń úlesinde, onda ınfektsııaǵa shaldyqqandar sany 33 900-den asty, onyń 700-ge jýyǵy aqpanda Iokogama portynda karantınge jabylǵan Diamond Princess krýızdik laınerine tıesili.
Tokıo bıligi birneshe apta buryn eń joǵarǵy dabyl dárejesin engizgen bolatyn.
