Japonııada koronavırýs juqtyrǵandardyń rekordtyq sany tirkeldi
SAPPORO. Kyodo New-QazAqparat – Sársenbi kúni Japonııa bir táýlikte 2679 adamnyń koronavırýs juqtyryp, 555 adamnyń sımptomdary aýyr ekenin habarlady. Bul pandemııa bastalǵaly tirkelgen eń joǵary kórsetkish, dep habarlaıdy QazAqparat Kyodo New agenttigine silteme jasap.
Tokıoda ınfektsııaǵa shaldyǵýdyń 572 oqıǵasy tirkeldi. Senbi kúni el astanasynda indetke shaldyqqan 584 adam tirkeldi, bul da rekordtyq kórsetkish.
Medıtsına qyzmetkerleri jetispegendikten qurlyqtaǵy kúshter óz medbıkelerin Japonııanyń soltústigindegi qalaǵa jiberdi. Olar sol kúni-aq Hokkaıdo, Asahıkavadaǵy mekemelerde jumys isteýdi bastady.
Qorǵanys mınıstri Nobýo Kısı seısenbi kúni GSDF-tiń 10 medbıkesi Hokkaıdo gýbernatory Naomıtı Sýdzýkıdiń suranysy boıynsha Asahıkavaǵa jiberiletinin málimdedi.
Hokkaıdodaǵy iri qalalarda, sondaı-aq Tokıo men Osaka syndy qala aýdandarynda qarashadan beri koronavırýs juqtyrǵandar sanynyń artqany baıqalady. Oǵan qosa aýrýhana oryndary men naýqastarǵa arnalǵan mekemelerde oryn tapshylyǵy baıqalýda. Bul densaýlyq saqtaý júıesiniń kúıreýine ákep soǵýy múmkin degen kúdik bar.
