Japonııada koronavırýs juqtyrǵandar kóbeıdi
TOKIO. QazAqparat – Japonııada beısenbi kúni 600-den astam adam koronavırýs juqtyrǵan. Bul – eldegi sońǵy úsh aıdaǵy eń kóp kórsetkish, dep habarlaıdy QazAqparat Kyodo-ǵa silteme jasap.
Kyodo agenttiginiń málimdeýinshe, el astanasy tek Tokıonyń ózinde bir kúnde –rekord 286 jaǵdaı tirkelgen. Bul mamyr aıynda tótenshe jaǵdaı toqtatylǵannan keıin indettiń qaıta órshı bastaǵanyn kórsetedi. Japonııada pandemııa kezinde jalpy 23 600 koronavırýs juqtyrýǵa qatysty jaǵdaı tirkelgen.
Qazir Tokıoda koronavırýs juqtyrǵandar sany 8 640 adamǵa jetti. Tokıo gýbernatory ıÝrıko Koıkeniń túsindirýinshe koronavırýstyń astanada tez kóbeıip ketýine kún saıyn 4 myńnan astam test jasala bastaýy sebepshi bolǵan.
Tokıony qorshap turǵan úsh prefektýra - Chıba, Kanagava, Saıtama sonymen qatar Osaka prefektýrasynda sońǵy táýlikte COVID-19 juqtyrýshylardyń rekord sany tirkelgen. Bul elde 25 mamyrda tótenshe jaǵdaı toqtatylǵannan keıin alǵash bolyp otyr. Osakada 66 adam koronavırýs juqtyrsa, Saıtamda – 49, Kanagavta 48, Chıbada 32 naýqas tirkelgen.
«Biz Tokıoda vırýs juqtyrǵandardyń orta jastaǵy adamdar arasynda kóbeıip ketýine alańdap otyrmyz», - dedi indetke qarsy sharalardy ázirleýge jaýapty mınıstr ıAsýtoshı Nısımýra. Onyń aıtýynsha, úkimet qaıtadan tótenshe jaǵdaı jarııalamas buryn jaǵdaıdyń betalysyn jiti qadaǵalap otyrmaq.
Sársenbi Tokıo bıligi COVID-19-dy jańadan juqtyrǵandar sany kóbeıýine baılanysty tórt deńgeıli dabyldyń eń joǵarǵysyn jarııalady. Qala turǵyndaryna asa mańyzdy emes basqa óńirlerge saparynan bas tartý, túngi klýb pen meıramhanalarǵa barmaý usynyldy.
