Japonııada kópirler men týnnelderdiń attary jazylǵan taqtalar urlandy
ASTANA. QazAqparat - 2 myńnan astam kópir men týnnelderdiń attary men negizderi qalanǵan ýaqyty jazylǵan metall taqtalar búkil Japonııa boıynsha urlanǵan.
Jergilikti BAQ-tyń habarlaýynsha, memlekettik múlikke kelgen zalal 900 myń dollardy quraıdy.
Vandalızmniń birinshi jaǵdaıy osy jyldyń sáýirinde tirkeldi. Sımane prefektýrasynyń quqyq qorǵaý organdary birneshe kópirden metall taqtalardyń joǵalyp ketkenin baıqaǵan. Soǵan baılanysty búkil el boıynsha tekserý júrgizilip, onyń barysynda Japonııanyń segiz prefektýrasynda 2006 kórsetýshi belginiń ǵaıyp bolǵany anyqtaldy.
Taqtalardyń jartysy mystan jasalǵan, sol sebepti jappaı vandalızmniń oryn alýynyń bir sebebi - ony qaıta balqytý nemese satý maqsatymen urlaý.
