Japonııada qonaqúıden basy joq máıit tabyldy
SAPPORO. QazAqparat - Japonııanyń Hokkaıdo aralyndaǵy Sapporo qalasyndaǵy qonaqúıden er adamnyń basy joq denesi tabyldy, dep habarlaıdy QazAqparat Japonııanyń Kyodo agenttigine silteme jasap.
Jergilikti polıtseıler jábirlenýshiniń bólmesine kirgen er adamdy izdep jatyr.
Jábirlenýshiniń kıimderi de joq bolyp shyqty. Polıtseılerdiń paıymdaýynsha, qylmysker máıitti tanymas úshin basyn, kıimin alyp ketken.
Jeksenbi kúni tabylǵan máıittiń kim ekeni belgisiz.
Qonaqúı kameralaryna nomerge 1 shilde, senbi kúni jergilikti ýaqyt boıynsha saǵat 22:50 shamasynda eki adamnyń kirgeni túsip qalǵan. Al jeksenbi kúni túngi saǵat 2-de bólmeden bir adam ǵana chemodanmen shyqqan.
Qonaqúı bólmesinen shyqqan adamnyń boıy kishkentaı, ústinde keń jıekti qalpaq, áıel kıimin kıgen.
Saraptama qorytyndysy boıynsha, jábirlenýshiniń ólimine gemorragııalyq shok sebep bolǵan, qaıtys bolǵannan keıin onyń basy kesilgen. Polıtsııa er adam vanna bólmesinde óltirildi dep kúdiktenedi.
