Japonııada kompıýterlik aqaýlyqqa baılanysty 87 áýe reısi ushpaıtyn boldy
ASTANA. QazAqparat - Japonııanyń ondaǵan áýejaıynda ANA (All Nippon Airways) áýe kompanııasynyń kompıýterlik júıesinde týyndaǵan aqaýlyq saldarynan seısenbi kúni 87 ishki reıs ushpaı, 10 myńnan astam jolaýshynyń josparyn buzdy, dep habarlady RIA Novostı Kıodo agenttigine silteme jasap.
Áýe kompanııasynyń habarlaýyna sáıkes, olqylyq jergilikti ýaqytpen saǵat 08:20 (02:20 MSK) jolaýshylardy tirkeý jáne ishki reısterge bıletterdi onlaın-brondaý kezinde týyndady. Kıodo agenttigi habarlaǵandaı, júıeniń qalypqa keltirilgeni jaıly saǵat 11:30 (05:30 MSK) habarlandy.
ANA keltirilgen qolaısyzdyq úshin keshirim surap, kompıýterlik aqaýlyqtyń oryn alý sebebin anyqtap jatqanyn habarlady.
Kıodo aqparatynsha, ishki jelidegi japonııalyq basqa tórt áýe tasymaldaýshy Starflyer, Airdo, Solaseed Air jáne Ibex Airlines de osy olqylyq saldarynan zardap shekti. Óıtkeni olar da ANA paıdalanatyn júıeni paıdalanady.
