Japonııada KHDR-dyń zymyran ushyrýy jaıynda aqparat jınaý úshin daǵdarys ortalyǵy quryldy
ASTANA. QazAqparat - Japonııa premer-mınıstri Sındzo Abeniń keńsesiniń janynda daǵdarys ortalyǵy quryldy. Bul týraly el úkimeti jarııalady, dep habarlady TASS.
«Premer Abe barlyq tıisti vedomstvolarǵa aqparat jınaý jáne taldaý boıynsha ókim berdi», - delingen úkimettiń habarlamasynda.
Budan buryn KHDR kezekti ret zymyran ushyrdy. Alaıda, AQSh ÁK derekterine sáıkes ushyrylym sátsiz aıaqtalǵan - zymyran kóterile bere birden jarylǵan. Ony iske qosý sheshimi senbide KHDR halyqtyq respýblıkasynyń alǵashqy jáne «máńgilik» prezıdenti Kım Ir Senniń 105 jyldyǵyn atap ótý aıasynda qabyldanǵan.
Sondaı-aq, Phenıanda aýqymdy áskerı sherý ótti, onyń barysynda alǵash ret súńgýir qaıyqtyń ballıstıkalyq zymyrany kórsetilgen.
