Japonııada keme kıtke soǵylyp, 80-nen astam jolaýshy jaraqat aldy
ASTANA. QazAqparat - Japon teńizinde júzip bara jatqan paromdaǵy 80-nen astam adam jaraqat aldy. Aldyn ala boljam boıynsha, joalýshylar kemesi kıtpen soqtyǵysqan, dep habarlaıdy QazAqparat Kyodonews agenttigine silteme jasap.
Japonııa jaǵalaý kúzeti men jergilikti bıliktiń habarlaýynsha, senbi kúni Japon teńizindegi Sado aralynyń mańynda paromnyń sý astyndaǵy qalaqtary teńiz janýarymen soqtyǵysqan, sóıtip 80-nen astam adam jaraqat aldy. Kemeniń artqy bóliginde 15-santımetrlik jaryqshaq paıda bolyp, sý asty qalaqtaryna zaqym kelgen.
Keme operatorynyń sózinshe, tórt adam aýyr jaraqat aldy. 12:15-te bolǵan apatqa qaramastan keme dittegen jerine, ıaǵnı Sado aralyna jetip jyǵylǵan.
Kemede 121 jolaýshy men ekıpajdyń 4 múshesi bolǵan. Ol Nııgata aılaǵynan saǵat 11:30-da shyqqan bolatyn.
